Brezhoneg

Bharata Natyam e brezhoneg


Kentelioù, stajoù, arvestoù e brezhoneg… Biskoazh kement-all !


Met perak e vefe iskisoc'h eget e galleg ?
Pouezus eo degas nevezentioù e bed ar brezhoneg, pinvidikaat anezhañ evit broudañ an dud da zeskiñ ar yezh ha da ober ganti.


Yvon, kelenner war ar Bharata-Natyam er gevredigezh Mira-Baï a ginnig bremañ kentelioù ha stajioù e brezhoneg ha klask a reomp reiñ lañs da raktresoù nevez gant ar brezhoneg.


Ar Bharata-Natyam : kontadennoù dañset


Dañs klasel Su India eo ar Bharata-Natyam, kozh-kenañ (muioc'h eget 2000 vloaz) ha dañset e veze en temploù gant dañsourezed sakr. Kinnig a ra tammoù eus ar vitologiezh hag implijout a ra ur seurt yezh dre sinoù evit « istitlañ » ar c'hanaouennoù.


Dre ma vez kinniget darvoudoù eus buhez an doueed gant an dañs, n'eo ket pell ar Bharata-Natyam diouzh bed ar c'hontoù ha displegañ a reomp an istorioù (gant ar jestroù) a-raok dañsal anezho, neuze, meur a wech hon eus kevredet gant kontourien evit aozañ arvestoù hag a vode dañsoù ha kontadennoù ha gellout a rafemp hen ober e brezhoneg ivez.


Raktresoù evit ar skolioù


Gellout a reomp kinnig stajoù pe kentelioù er skolioù hag er c'hreizennoù dudi.


Ha liesseurt eo al labour da ober : labourat war ar yezh, ar c'horf, sevenadurioù ar bed, lakaat ar vugale da gemer perzh en un arvest…  

 

(foto : an heizez hag an tigr)

Raktresoù evit an holl


Ar simplañ eo kinnig stajoù evit dizoleiñ an dañs met dennus-kenañ eo ledanaat ar mennozh hag aozañ raktresoù hag a liamm an dañs ouzh ar c'hontadennoù, ar sport, ar yoga, ar sonerezh, sevenadurioù ar bed. Ha dreist e vefe ivez un arvest dañs kinniget e brezhoneg… ur gwir veaj e bro an doueed !


Krog e oamp gant ar stajoù kentañ warlene, pezh ne oa ket aes gant ar enkadenn yec'hedel, emichañs e vo aesoc'h an traoù bremañ. Un nebeud raktresoù zo bet kaset da-benn koulskoude ha re all zo war ar stern… 


Ma vezit dedennet gant ar raktresoù e brezhoneg e c'hellit mont e darempred gant Yvon Bourlès
06.89.30.14.06

yvon.bourles@orange.fr









Deiziataer an darvoudoù e brezhoneg


3/4/2021 staj Bharata-Natyam. Karnod  (Chartres de Bretagne). Aozet gant Mira-Baï.


16/10/2021 staj Bharata-Natyam. Sant-Jakez al Lann. Aozet gant Mira-Baï.


5/3/2022 Un devez e brezhoneg Qigong, Yoga, Bharata-Natyam. Sant-Ervlan. Aozet gant Yezhoù ha Yec’hed.